Në Itali për të disatën ditë radhazi vijojnë të jenë shpresdhënëse numrat e koronavirusit brenda 24 orëve. Lajmi i keq është se është rritur ai i të vdekurve, që sipas mediave italiane sot ka qenë 17, por në krahasim me ditët e tjera, këtë të martë, tepër optimiste janë shifrat e rasteve të reja.
Në 24 orët e fundit në shtetin fqinj janë regjistruar 114 raste të reja me koronavirus, nga të cilat 30 në Lombardi. Kjo është një zbritje proporcionale pasi ditën e djeshme u regjistruan 169 raste të reja, ndërsa që prej fillimit, numri i personave të infektuar ka shkuar në 243.344 persona.
Përsa i përket viktimave, në krahasim me ditën e hënë, janë rritur me 4, duke e çuar në total në 34.984 numrin e personave që kanë ndërruar jetë. Gjithsesi, pavarësisht këtij fakti të zi, që situata është pozitive e tregojnë edhe shifrat e të shëruarve, pasi në 24 orët e fundit kanë qenë 335.
Të shëruarit në total janë 195.441 persona ndërsa rastet aktive në vend janë 12.919.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
