Numri i lartë i divorceve tashmë në rritje vitet e fundit, po tkurr familjet shqiptare. Me shtimin e zgjidhjes së martesave po humbasin edhe vlerat e familjes.
Ky është alarmi që ngre avokati, Ervin Muja, i cili në një intervistë për Tema Tv thotë se divorcet në Shqipëri po njohin një trend rritës, më të madhin në Europë krahasuar kjo me numrin e popullsisë.
Avokatit Muja duke i rënë jo pak të paraqitet në gjykatë për zgjidhjen e martesave te çiftet, ai ka konstatuar jo pak arsye që i çojnë dy bashkëshortët drejt këtij vendimi, që nga dhuna në familje, emigracioni dhe varfëria e tejskajshme.
Por në jo pak raste avokati sheh shqetësuese edhe disnivelin e lartë arsimor mes çiftit, pse jo edhe rrjetet sociale, si shkaktarët e zgjidhjeve të martesave.
Por si mund t’i jepet fund këtij fenomeni tepër shqetësues, për familjet shqiptare?
Vetëm në vitin që lamë pas në sallat e gjyqeve, në vendin tonë janë zgjidhur 5650 divorce. Nga 100 martesa, 17 prej tyre kanë rezultuar në divorce.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
