“Dosja 5D”, Sejamini: Inovacion në botën e krimit, këta njerëz janë bërë vetë shteti dhe biznesi

Analisti Neritan Sejamini i ftuar në emisionin “Të Paekspozuarit” në MCN u shpreh se “Dosja 5D” është një inovacion në botën e krimit pasi për herë të parë është krijuar një grup zyrtarësh të cilët janë bërë vetë dhe shteti dhe biznesi.

Sipas Sejaminit mënyra e grabitjes nga zyrtarët e bashkisë Tiranë zhvillohet për herë të parë në Shqipëri.

“Këta njerëz kanë krijuar novacion në krim, kanë krijuar grup të zyrtarëve dhe kanë bërë plan të qartë dhe janë bërë vetë dhe shteti dhe biznesi. Kjo është një zhvillim cilësor i botës së krimit dhe është një krim që për herë të parë zhvillohet këtu.”