Dy gazetarët e kronikës Artan Hoxha dhe Elton Qyno janë paraqitur pak pas mesditës së sotme në SPAK, ndërsa Prokuroria e Posaçme ka caktuar si masë sigurie “detyrim paraqitje” ndaj tyre.
Artan Hoxha dyshohet si anëtar i dyshuar i një grupi kriminal, ndërsa Elton Qyno për korrupsion.
Gjatë operacionit policor ku janë të përfshirë dy gazetarët, mësohet se është arrestuar ish-gjyqtarja Pajtime Fetahu, ndaj së cilës GJKKO caktoi më parë masën “arrest në shtëpi”, pasi emri i saj doli gjatë hetimeve për operacionin e SPAK “Plumbi i Artë 2”, për lidhje me grupet kriminale.
Gjithashtu, në pranga thuhet se u vu edhe ish-kreu i Gjykatës së Elbasanit Zihni Shahu, i cili dha dorëheqjen disa muaj pasi filloi procesi i vettingut.
Me urdhër të SPAK, forcat e policisë kanë ushtruar kontrolle të befasishme në ‘bazat’ e Suel Çelës.
Po ashtu mësohet se janë ushtruar kontrolle në disa biznese të mëdha në Elbasan, si dhe në banesat e familjarëve të personave të implikuar në ngjarje të mëdha kriminale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
