Kryeministri Edi Rama mbajti fjalimin e tij në ceremoninë mortore të Kryepeshkopit Anastas Janullatos, e cila u mbajt në katedralen “Ngjallia e Krishtit” në Tiranë.
Në fjalën e tij Rama theksoi se është e vështirë të gjendet në kujtesën tonë historike dikush i çfarëdo kombësie tjetër, që të jetë identifikuar me emrin e Shqipërisë sa Kryepeshkopi Anastas.
“Ai vet e dëshmoi në 33 vjet, dhe e dëshmon edhe sot, me trupin që la sot në tokën e Shqipërisë, që me kërkesën e tij do të varroset në këtë katedrale të ‘Ngjalljes së Krishtit’, siç ai e quajti katedralen dhe siç ngjallje kishte edhe vet kuptimin e vet emrit të tij. Kësisoj në këtë ditë të mbylljes së ciklit të një jete kushtuar ngjalljes, duhet thënë pa farë dyshimi, se në përmasën e vetme që atij i interesonte, atë të fesë, Anastasi erdhi mes nesh 33 vjet më parë si një prift nga Greqia dhe pas 33 vjetësh ndahet nga mesi ynë si Anastasi i Shqipërisë. Duhet pranuar se është vështirë, shumë vështirë, të gjendet në kujtesën tonë historike dikush, i çfarëdo kombësie tjetër që të ketë qenë, që të jetë identifikuar me aq krenari dhe me aq përkushtim, me fjalë dhe me vepra me emrin e Shqipërisë sa Kryepeshkopi Anastas”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
