Është ekstraduar në Shqipëri, Arbër Çekaj, pronari i kompanisë "Arbi Garden" në kontenierët e së cilës bashkë me babanet u zbuluan nga policia 613 kilogramë kokainë, sasia më e madhe e kapur e kësaj lënde narkotike.
Arbër Çekaj mbërriti sot në aeroportin "Nënë Tereza" në Rinas dhe më tej u shoqërua me forca të policisë për në ambientet e burgut 313 në Tiranë. Çekaj do të njihet me masën e sigurisë arrest me burg dhënë në mungesë ndaj tij, ndërsa pritet që të kërkojë ndryshimin e saj për tu hetuar në liri.
Ekstradohet sot nga Gjermania Arbër Çekaj, i dyshuari për trafikimin e kokainës në banane
Autoritetet shqiptare pritet të esktradojnë sot drejt Tiranës Arber Çekaj, personi i dyshuar për trafikimin e 613 kilogrameve kokaine kolumbiane në portin e Durrësit.
Lajmi u bë i ditur nga nëndrejtoresha e Përgjithshme e Policisë së Shtetit, Aida Hajnaj, në një deklaratë për mediat, ku njoftoi operacionet e policisë në goditjen e krimit të organizuar.
Hajnaj tha se është duke u kryer ekstradimi nga Gjermania në Shqipëri i Arbër Çekajt.
Arbër Çekaj është pronari i firmës “Arbri Garden”, ku u sekuestrua kontenieri me 613 kg kokainë, në magazinat e kësaj kompanie në Maminas, i cili është arrestuar në Gjermani me qëllim ekstradimi.
Çekaj u arrestua nga autoritetet gjermane në maj të vitit të kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
