Lista Serbe ka vendosur për emrat e ministrave të vet, që do të drejtojnë në tre ministri në qeverinë e Ramush Haradinajt.
Televizioni publik i Kosovës, kanali në gjuhën serbe, ka zbuluar emrat e tre zyrtarëve që do të jenë në krye të tri ministrive.
Ministër i Administrimit të Pushtetit Lokal do të jetë Ivan Teodosijeviç, i cili ka udhëhequr këtë ministri që nga mandati i kaluar.
Ministri për Kthim dhe Komunitete do të vazhdojë të jetë Dalibor Jevtiç, i cili në tri mandate ka drejtuar këtë ministri, ndërsa ministër i Bujqësisë, Pylltarisë dhe Zhvillimit Rural do të jetë Nenad Rikalo, e që aktualisht është anëtar i Komisionit Qendror të Zgjedhjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
