Konferenca e Kryetarëve do të shqyrtojë sot kërkesën e Maznikut që propozoi ndryshimin e Komisionit të Posaçëm të Reformës Territoriale për shkak të vendimit të PD, e cila ka bojkotuar mbledhjet e deri më tanishme. Në një raportim për Mcn Live gazetari Mariglen Kume raporton se tanimë kërkohet që shumica e komisionit të përbëhet nga socialistët, duke hequr paritetin e numrave.
“Në orën 12:30 pritet që të mblidhet Konferenca e Kryetarëve për të shqyrtuar një kërkesë të bashkëkryetarit të Komisionit për Reformën Territoriale nga ana e PS, z.Mazniku, i cili propozon që të ndryshojë përbërja e Komisionit të Posaçëm të Reformës Territoriale për shkak të vendimit të PD, e cila ka bojkotuar mbledhjet e deri më tanishme, për shkak se akuzon kreun e mazhorancës se ka prishur konsensusin politik dhe nuk ka besimin e opozitës sa i përket reformave të rëndësishme. Mazhoranca kërkon që Komisioni i Posaçëm i Reformës Territoriale të bëhet me nga PS, pasi deri më tani kishim të bënim me një komision që kishte barazi të anëtarëve dhe me bashkëkryetarë, në mënyrë që çdo vendimmarrje sipas tyre, të kishte konsensus dhe të ishte i gjithëpranuar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
