Pas radhëve të gjata në pikën kufitare të Kapshticës që prej mëngjesit të sotëm, duket se situata po shkon drejt normalizimit dhe ka nisur qarkullimi i mjeteve.
“BalkanWeb” mëson se prej mëngjesit të sotëm qëndruan në pritje për të kaluar kufirin dhjetëra automjete.
Mes temperaturave të ftohta qytetaret e indinjuar bëjnë apel për zgjidhjen përfundimtare të kësaj situate të mbartur prej vitesh.
Shkak i radhëve të gjata është puna me sportele të reduktuara nga ana e palës greke pa dhënë asnjë justifikim. Kujtojmë se edhe pak ditë më parë u përsërit e njëjta situatë.
Orari i reduktuar i punës nga pala greke solli fluks në dalje të saj. U desh ndërhyrja e ministrit Ditmir Bushati për të normalizuar situatën në pikat kufitare, ku shtetasit me pasaportë shqiptarë nuk lejoheshin të kalonin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
