Gazetari Bedri Islami gjatë një interviste në emisionin “Arnautistan” në MCN TV rrëfehu njohjen me Fatos Nanon, duke zbuluar një bisedë të ish-kryeministrit me Ali Ahmetin. Nano i kishte thënë Ahmetit pak muaj para zgjedhjeve se do të ikte nga pushteti, duke i sugjeruar të rregullonte marrëdhëniet me Berishën.
Në Drenicë pas luftës kam mësuar një fjalë interesante ‘dija hallin vetes’. Nanos i mbaroi koha. Më shumë se nga virtyti është larguar sepse i mbaroi koha, u lodh nga pushteti. Ai ia ka ditur hallin vetes, ka qenë i përgatitur të lërë pushtetin. Në 2005-ën thirri në takim Ali Ahmetin edhe i tha disa muaj përpara do iki nga pushteti dhe rregullo marrëdhëniet me Berishën, se ai do vijë në pushtet. U lodh nga qeverisja, nga presioni, u lodh edhe nga zullumi. Fatosin e kam takuar disa herë në zyrën e tij apo jashtë, ashtu si edhe me Majkon dhe Metën. Edhe kam udhëtuar me të jashtë shtetit, është njeri i këndshëm”, tha ai.
Ndër të tjera Islami rrëfeu se u detyrua të iki jashtë shtetit pasi situata në Shkodër u bë e padurueshme, ndërsa ishte gazetar i “Zërit të popullit”, dhe kur u zgjodh në organet e larta të PS-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
