Një studim shkencor i ka dhënë përgjigje një prej mistereve më të mëdha në Antarktidë. E zbuluar që para 106 vitesh nga gjeologu Griffith Taylor, e ashtuqutjtura “akullnaja e përgjakur” i ka habitur studiuesit. Fillimisht është menduar se ngjyra e kuqe vinte nga algat, por në vitin 2003 u hodh hipoteza se ajo përcaktohej nga hekuri i oksiduar dhe uji mund të rridhte nga një liqen me ujë të kripur rreth 5 milionë vjeçar.
Tashmë një studim i Universitetit Alaska Fairbanks ka vërtetuar se jo vetëm që akullnaja ka një liqen poshtë saj, pork y liqen ka sistemin e vet të qarkullimit të ujit. Studiuesit thonë se rrjedhja e ujit që skuq akullnajën vjen si pasojë e një sistemi hidraulik të mirëfilltë dhe të pandalshëm, që e nxjerr ujin jashtë.
“Ujëvara e përgjakur” është në fakt një “kapsulë kohe” për sistemin e lashtë mikrobik. Ai është një mundësi për shkencëtarët që duan të studiojnë mundësinë e jetës në planete të tjera, pa pasur nevojë për shpimin e shtresës së trashë të akullit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
