Politologu Ilir Kalemaj thotë se mospërmbushja e ligjit për amnistinë fiskale ka sjellë si pasojë rritjen e pastrimit të parave përmes sektorit të ndërtimit. Në studion e MCN TV, Kalemaj tha se pjesa më e madhe e pronave blihen me para që vijnë nga aktivitete të paligjshme.
Ka qenë e pasqyruar edhe në mediat ndërkombëtare. Kemi një lavatriçe gjigante të pastrimit të parasë në Tiranë dhe në bregdet. Nuk justifikohet çmimi i metrit katror me të ardhurat mesatare të një shqiptari.
Në ndërtesat e reja ka shkuar edhe 9 mijë euro metri katror. Kur kemi ende pensione me 120 euro në muaj. Nuk ka korrelacion, nuk ka asnjë vijë logjike. Çdo institucion ndërkombëtar e vë re këtë diskrepancë.
Të pranojmë që një pjesë e pronave blihen nga emigrantët ose të huajt.
Si ka mundësi që jepen 8 milionë metra katrorë plus në Tiranë, çmimi është rritur, shqiptarët kanë ikur dhe rrjedhimisht edhe shitjet kanë rënë. Këtë nuk e shpjegon askush.
Ligji për amnistinë fiskale nuk u pranua nga BE. Është gjetur një mënyrë për ta futur nga dritarja atë që nuk e futëm dot nga dera.
Në lidhje me pronat e konfiskuara, Kalemaj tha se duhet rishikuar ligji dhe duhet monitoruar sidomos zbatimit i tij.
Ne kemi një agjenci të pronave të konfiskuara. Ka një preferencë në ato që janë prona të lakmuara për t’u shitblerë brenda radhëve. Nuk funksionon si në demokracitë e zhvilluara, por funksionon si në vende pa standarde. Me punën për hapjen e negociatave, duhet parë përforcimi i kuadrit ligjor dhe për më tepër zbatimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
