Sekretari i Përgjithshëm i Partisë Demokratike, Arben Ristani, e cilëson thjesht tymnajë propozimin e LSI-së për lista të hapura deputetësh. Sipas tij, listat e hapura sjellin probleme të menaxhimit. Ristani thotë se ajo çka është e rëndësishme mbetet fakti nëse në Shqipëri do të ketë zgjedhje të lira.
“E rëndësishme është a do ketë Shqipëria zgjedhje të lira dhe të ndershme. Në çdo rast, qytetarët votojnë për deputetët. Ne kemi pasur sisteme si mazhoritar dhe mazhoritar i përzier me proporcionalin. Për mua, debate të tilla, listë e mbyllur apo e hapur, janë tymnajë. Lista e hapur ka problem me menaxhimin e sistemin zgjedhor. Ne na duhet sistem sa më i thjeshtë që qytetarët të votojnë sa më thjesht”, tha Ristani.
Deputeti i PD-së tha se e mbështet idenë e uljes së numrit të deputetëve dhe një Parlamenti me dy dhoma.
“Ulja e numrit të deputetëve është opsion shumë i mirë dhe interesant. Do ishte mirë të kishim Parlament me dy dhoma. Madje do ishte mirë të shihnim mundësinë e zgjedhjes së Presidentit nga populli. Shoh që mazhoranca s’ka vullnet polik për të bërë asgjë”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
