Turqi, dy të rinj shpëtohen pas 11 ditësh nën rrënoja

Dy të rinj të moshës 26 dhe 34 vjeç janë nxjerrë të gjallë pas 261 orësh nën rrënojat e një spitali privat në qytetin turk të Hatay.

Kështu raportojnë mediat turke, duke dhënë lajmin për shpëtimin pas 11 ditësh.

Ekipet e shpëtimit po punonin rreth ndërtesës së shembur kur dëgjuan një zë, dhe gërmuan në atë drejtim.

Mehmet Ali Sakiroglu, 26 vjeç, një nga dy të shpëtuarit, kishte shkuar në spital një ditë para tërmetit.

Mustafa Avci, 33 vjeç u nxor nga rrënojat e ndërtesës së shembur, 261 orë pas tërmetit të fuqishëm 7.8 ballë që goditi rajonin më 6 shkurt.