Gjatë gjithë ditës territori shqiptar paraqitet në ndikimin e kushteve të qëndrueshme atmosferike duke bërë që moti i kthjellët të jetë dominant.
Përjashtim bëjnë zonat malore verilindore dhe juglindore, të cilat do të kenë herë pas-here vranësira të lehta.
Sipas Meteoalb, temperaturat e ajrit ulen në vlerat minimale por rriten në vlerat maksimale ku mëngjesi shënon 13°C ndërsa termometri gjatë mesditës ngjitet në 36°C.
Era do fryjë e lehtë me shpejtësi deri 30 km/h, nga drejtimi Verior- Veriperëndimor ndërsa në det të hapur krijohet dallgëzim 2 ballë.
Kosova
Masat ajrore të qëndrueshme do të diktojnë kushtet e motit në territorin e Kosovës. Për pasojë: kthjellimet do të jenë mbizotëruese thuajse gjatë gjithë ditës, ndërsa vranësirat do të shafqen në zonat veriore .
Maqedonia e Veriut
Mbetemi edhe ditën e premte në ndikimin e motit të kthjellët dhe me vranësira të lehta, ku më të dukshme vranësirat paraqiten në zonat perëndimore. Parashikohet që moti të mbizotërohet nga kthjellimet vetëm gjatë pasdites dhe mbrëmjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
