Sfida mes Erzenit dhe Vllaznisë, u mbyll në barazim 2-2, në një përballje që i kishte brenda të gjitha.
Ndeshja nisi mirë për shkodranët që shënuan në minutën e 4-t me Balajn, por goli u anulua për pozicion jashtë loje.
I njëjti protagonist zhbllokoi sfidën 3 minuta më vonë, teksa ekzekutoi në mënyrë të shkëlqyer një goditje dënimi.
Reagimi i Erzenit erdhi në të njëjtën mënyrë, teksa në minutën e 26-të, Mihana shënoi një tjetër supergol nga goditja e dënimit.
Akoma më emocionuese ishte pjesa e dytë, ku Erzeni kaloi në avantazh me një supergol të Agim Zekës në minutën e 60-të.
Vllaznia nuk u dorëzua dhe barazoi me Bekim Balajn, në minutën e 90-të me penallti, të akorduar me VAR.
5 minuta më vonë, shkodranët shënuan edhe golin e përmbysjes, por VAR prishi festën, duke e anuluar, për pozicion jashtë loje të Gomes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
