Shqipëria nuk do të pranojë ngritjen e kampeve të refugjatëve që BE-ja kërkon të ngrejë në vende të treta. Kryeministri Rama e ka hedhur poshtë një mundësi të tillë në një intervistë për gjermanen “Bild”.
Në intervistën e publikuar një ditë pas vendimit të BE-së për shtyrjen e hapjes së negociatave për vitin e ardhshëm, Rama shprehet kategorikisht kundër ngritjes së kampeve në Shqipëri.
"Ne kurrë nuk do të pranojmë kampe të tilla refugjatësh”, shprehet ai. Për Ramën, kjo do të thotë "të depozitosh njerëz të dëshpëruar diku si mbeturina toksike që askush nuk i dëshiron".
Megjithatë, Rama shton se Shqipëria do të jetë gjithmonë e gatshme të japë një kontribut të drejtë në barrën evropiane.
Rama është shprehur se edhe në këmbim të hapjes së negociatave, nuk do ta kishte pranuar ngritjen e qendrave të refugjatëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
