Një 36-vjeçar banues në fshatin Golaj të Hasit në Kukës është arrestuar nga policia pasi ishte shpallur në kërkim. Nga gjykata e rrethit atij i ishte caktuar masa ‘arrest me burg’ për shkak se në shtator të këtij vit, ekzaktësisht me datë 17, nuk i është bindur policëve dhe për më tepër i ka kërcënuar ata.
NJOFTIMI NGA POLICIA
Kukës
Vijon puna për kapjen e personave në kërkim dhe vënien e tyre para përgjegjësisë ligjore.
Kapet dhe ndalohet 36-vjeçari i shpallur në kërkim nga DVP Kukës, për disa vepra.
Efektivët e DVP Kukës, në vijim të punës për kapjen e personave në kërkim dhe vënien e tyre para përgjegjësisë ligjore, kanë kapur dhe ndaluar shtetasin e shpallur në kërkim D.D., 36 vjeç, banues në fshatin Golaj, Has.
Gjykata e Rrethit Gjyqësor Kukës, me vendim të datës 17.09.2020, ka vendosur ndaj tij, masën e sigurisë “Arrest me burg”, në mungesë, për veprat penale “Kundërshtimi i punonjësit të policisë së rendit publik”, “Mosbindje ndaj urdhërit të policisë së rendit publik”, “Kanosje për shkak të detyrës” dhe “Veprime që pengojnë zbulimin e së vërtetës”.
Materialet i kaluan Porkurorisë së Rrethit Gjyqësor Kukës, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
