1100 lekë për litër vaji/ Sharka: Rritja e çmimit për shkak të kostove të fermerëve, duhen subvencione nga shteti (VIDEO)

Çmimi i vajit të ullirit në Shqipëri ka shënuar rritje të ndjeshme këtë vit, duke arritur në nivele rekord.

Në fabrikat e përpunimit nga Marikaj deri në Berat, çmimi i vajit të paambalazhuar varion nga 700 deri në 1,100 lekë për litër, duke u rritur me 38% krahasuar me vitin e kaluar, kur çmimi ishte nga 700 deri në 800 lekë për litër.

Kjo rritje çmimi, për kreun e Sindikatës së fermerëve njëherësh dhe kreu i PD në Lushnjë, Eduard Sharka, është mese i arsyeshëm.

Për “MCN live”, Sharka, numëron faktorët ndikues që çuan në këtë rritje për shkak të kostove dhe shpenzimeve të fermerëve.

Ky problem është shumë kompleks.

Duke parë koston dhe mundin e fermerit ai çmim është i përshtatshëm në gjykimin tim dhe të shumë ekspertëve, për të dal nga fermeri. Kjo sepse justifikon kostot dhe shpenzimet e fermerit dhe një vaj i kontrolluar i parametrave cilësor ka nja 2-3 parametra tregues, aciditeti e tregues të tjerë, që duhen kontrolluar dhe në rastëse se i përmbush ata tregues, në atë çmim 11 mijë lekë vjetra për litër është normale, sepse çdo familje për të konsumon atë produkt cilësor dhe shumë të dobishëm për shëndetin e njeriut ia vlen të shpenzojë ato lek.

Mirëpo, problemi është shumë kompleks, sepse nuk përputhet niveli i të ardhurave ete të qytetarëve tanë, me këtë çmim të këtij produkti që e meriton këtë çmim, po të kenë standardet që të duhen, që pak kush i kontrollon.

Për Sharkën, shteti duhet balancuar subvencionet për fermerët, në mënyrë që ai të mos dal i humbur në këtë prodhim me kosto.

Në fakt Bashkimi Evropian ka politikë të caktuar dhe ka tre parime kryesore, çmimet e arsyeshme për konsumatorët që jemi në rastin tonë, e shprehur ky parim, nuk janë çmime të arsyeshme për konsumatorët shqiptarë dhe të ardhura drejta për fermerët është parimi tjetër themelor.

I vetmi instrument që balancon çmimin e arsyeshme për konsumatorin dhe të ardhurat e drejta për fermerët janë subvencionet që i jep shteti, një konsumatori paguan në 0.3€ në ditë për fermerët evropian, kurse te ne është 15 herë më e vogël shifra.

Pra, që të kemi çmime të arsyeshme për konsumatorët, ne duhet të kompensojmë fermerin me të ardhura dhe subvencione në mënyrë që ai të marrë aq të ardhura.