Sot bëhen 15 vite nga intervista e sikletshme e Guy Goma në “BBC News”. Tekniku i kompjuterëve kishte shkuar në zyrat e BBC-së për një intervistë pune, kur papritur e pa veten në një intervistë të drejtpërdrejtë në televizion pasi u ngatërrua me ekspertin e teknologjisë Hui Kewney.
Goma e menaxhoi me sukses situatën pasi kuptoi se ndodhej aty për të folur për çështjen gjyqësore të “Apple Computer”. Fytyrën e tij kur kuptoi se ndodhej në televizion, nuk do ta harrojë askush.
Por si ndodhi e gjithë ngatërresa? Goma ishte duke pritur në zonën e pritjes në Qendrën Televizive të BBC-së për tu intervistuar për një vend pune kur në të njëjtën kohë ndodhej dhe Guy Kewney, një ekspert i teknologjisë i cili ndodhej në një zonë tjetër të pritjes për intervistën mbi çështjen gjyqësore të Apple.
Një person u dërgua për të marrë Kewney dhe kur shkoi në recepsion të pyeste se ku ndodhej eksperti i teknologjisë, i treguan për Guy Goma. Ndërsa e kishte pyetur recepsionin nëse ishte personi i duhur, pasi kishte parë më parë një foto të Kewney, ata i konfirmuan se po ai ishte personi për intervistën.
Ndërkohë që ishte vetëm 5 minuta larg fillimit të intervistës, personi shkoi drejt Goma-s dhe e pyeti nëse ai ishte Guy. Duke dëgjuar emrin e tij, Guy Goma pohoi dhe ndoqi nga pas personin i cili e coi te grimi dhe më pas në studion televizive ku u ul para kamerave dhe iu lidh një mikrofon.
Megjithëse Goma mendoi se ishte një situatë e çuditshme, ai sërish mendoi se ishte pjesë e intervistës së punës. Goma e kuptoi të gjithë situatën, kur intervistuesi prezantoi emrin e tij si eksperti i teknologjisë Guy Kewney.
I tronditur dhe i vetëdijshëm se ndodhej në një intervistë të drejtpërdrejtë, Goma u përpoq ti përgjigjej pyetjeve, ndërsa Kewney i cili ndodhej në zonën e pritjes u trondit kur pa Gomën në vendin e tij.
Sipas legjendës, Goma dha intervistën e tij të punës 20 minuta pas intervistës në “BBC News”, por fatkeqësisht nuk u punësua. Pas disa kohësh Goma dhe Kewney u takuan së bashku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
