Ish-Presidenti i Republikës Franceze, Nicolas Sarkozy, është dënuar në Apel me 2 vjet burg, në kuadër të procesit gjyqësor për skandalin e përgjimeve, por ai nuk do të hyjë në qeli, pasi gjykata ka përcaktuar në vendim se ai mund të vuajë dënimin në arrest shtëpie dhe me byzylyk elektronik.
Sarkozy, 68 vjeç, i akuzuar dhe dënuar për korrupsion dhe ndikim të paligjshëm, e ka deklaruar gjithmonë veten të pafajshëm, pasi është tërhequr nga jeta politike që nga viti 2016, por ende me shumë ndikim në mesin e konservatorëve francezë.
Ai e dëgjoi vendimin në bankën e të akuzuarve të gjykatës së Parisit, me tension, ndërsa deklaroi se vendimi se do të ankohet në Gjykatën e Kasacionit.
Asnjë President i Republikës Franceze nuk kishte marrë një dënim kaq të rëndë.
Të njëjtat dënime si ish-Presidenti u dhanë për avokatin e tij prej shumë vitesh, Thierry Herzog, dhe për ish-magjistratin e lartë Gilbert Azibert.
Për Sarkozyn, gjykata ka shpallur edhe përjashtimin nga e drejta civile për 3 vjet, me pamundësi për të kandiduar për poste politike.
Edhe për avokatin Herzog, u vendos ndalim ushtrimi i profesionit për 3 vjet. Sarkozy u shpall fajtor se kishte marrë përsipër në vitin 2014, nëpërmjet avokatit Herzog, të mbështeste kandidaturën e Gilbert Azibert për një zyrë prestigjioze në Principatën e Monakos (të cilën gjyqtari nuk e mori kurrë) në këmbim të ndërhyrjeve dhe komunikimeve konfidenciale në lidhje me një çështje në atë kohë nën shqyrtimi nga Kasacioni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
