Paris Saint-Germain ka mposhtur Monacon me rezultat të thellë 4-0 në ndeshjen e vlefshme për finalen e Superkupës e Francës.
Pjesa e parë e ndeshjes u karakterizua me dominim të parisienëve, të cilët arritën të shënojnë edhe dy gola në këta 45 minuta.
Fillimisht ishte Angel Di Maria, i cili në minutën e 33-të shënoi për 1-0, ndërsa Christopher Nkunku në minutën e 41 dyfishoi rezultatin dhe dërgoi skuadrën e tij në pushim e pjesës së parë me dy gola.
Edhe pjesa e dytë foli në të mirë të kampionëve francez, të cilët vazhduan dominimin dhe shënuan po ashtu edhe dy gola tjerë.
Zhvillohej minuta e 67-të e ndeshjes kur Timothy Weah shënoi për 3-0, ndërsa në minutat shtesë ishte përsëri Di Maria, i cili shënoi për 4-0 dhe vulosi rezultatin përfundimtar.
Kjo fitore tregon edhe një herë qartë se PSG është skuadra që duhet të mposhtet në këtë sezon dhe favoritët absolut për të fituar të gjithë trofetë në Francë.
Ndryshe, ky është trofeu i parë me parisienët për portierin legjendar italian, Gianluigi Buffon dhe trajnerin e ri të skuadrës Thomas Tuchel, të cilët kanë ardhur këtë verë të PSG.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
