Zhdukja e biznesmenit italian Davide Pecorelli vijon të jetë ende e mbuluar me mister. Ky lajm vijon të qëndrojë ende në vëmendjen e mediave italiane, ndërsa shkruajnë se hetuesit shqiptarë kanë vonuar dërgimin e montrave të ADN-së, për të t’i krahasuar ato me ato të vëllait të tij në Itali.
Sipas tyre, koha e hetimeve po zgjatet pasi informacionet nuk po vijnë në kohën e duhur nga policia shqiptare. Mediat italiane shkruajnë se tre janë elementët që e kanë karakterizuar zbardhjen e plotë të ngjarjes. Së pari partnerja e tij shqiptare me të cilën Davide kishte një djalë, ia ka besuar çështjen avokatit Giancarlo Viti, i cili përfaqëson atë dhe të miturin si palë të prekura në këtë situatë.
Ajo është marrë një pyetje nga pala shqiptare dhe ajo italiane disa ditë pas zbulimit të makinës së djegur të biznesmenit në Pukë. Së dyti qëndron vonesa e informacioneve nga pala shqiptare. Ndërsa elementi i tretë është dëshmia e mikut sipërmarrës me të cilin Davide Pecorelli donte të hapte një biznes tjetër në zonën e Città di Castello.
Nga “GPS” i makinës ka rezultuar se mjeti i marrë me qira nga italiani ka lëvizur nga Tirana në Vlorë, nga Vlora në Shkodër, më pas në Pukë ku ka fjetur dy net në Hotel Turizmi. Në dëshminë e saj gruaja shqiptare e italianit është shprehur para grupit hetimor se Davide në datë 3 Janar kishte lëvizur nga Vlora në drejtim të Pukës dhe se me vete kishte 400 euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
