Irani mund të jetë duke kontribuar në krimet e luftës në Ukrainë duke furnizuar me drone Moskën.
Kështu i tha gazetarëve në Meksikë këshilltari i Sigurisë Kombëtare të SHBA-së, Jake Sullivan.
Armët e tyre, të cilat përdoren për të vrarë në Ukrainë dhe për t'i kthyer qytetet të ftohta dhe të errëta, sipas mendimit tonë, e vendosin Iranin në një pozicion që potencialisht kontribuon në një rritje të krimeve të luftës.
Ndërkohë Organizata e Traktatit të Atlantikut të Veriut (NATO) dhe Bashkimi Evropian (BE) zotohen të forcojnë bashkëpunimin e tyre pasi lufta e nisur nga Rusia në Ukrainë kërcënon sigurinë në Evropë.
Kjo lexohet në një deklaratë të përbashkët të cituar nga AFP.
Ne e njohim vlerën e një mbrojtjeje evropiane më të fortë dhe më të aftë, e cila kontribuon pozitivisht në sigurinë globale dhe transatlantike dhe që është plotësuese dhe ndërvepruese me NATO-n.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
