Historinë e arbitrimit në futboll po e shkruajnë edhe vajzat, ku Erinda Kume është arbitrja shqiptare që u përzgjodh në një finale Europiani. Duke folur për edicionin e lajmeve në MCN TV ajo e konsideroi këtë moment, si më të bukurin e karrierës.
Kume rrëfeu si e ka nisur rrugën e arbitrimit, ku 12 vite më parë ishte e para femër që u bë pjesë e këtij profesioni. Ndonëse e konsideron arbitrimin një profesion jo të lehtë, ajo u bën thirrje vajzave të jenë pjesë e arbitrimit dhe sportit në tërësi.
Ishte një nga eksperiencat më të bukura të karrierës sime, isha unë që do përfaqësoja veten dhe Shqipërinë në një kompeticion të tillë si finalet e Europa League. Kam arbitruar tre ndeshje ku jam përfaqësuar shumë mire. Ndeshja startoi me testim fizik, pastaj kaluam te pjesa e arbitrimin. Ishte një përgatitje e madhe fizike, edhe për parandalimin e dëmtimeve. Kam filluar arbitrimin para 12 viteve, në kolegjiumin e Elbasanit. Kam qenë e para femër. Kam qenë e apasionuar pas futbollit. Djali i hallës, futbollist, më ka mbajtur pas vetes edhe nga futbolli kam startuar arbitrimin. Në profesion jam infermiere. Nuk është e lehtë (arbitrimi) siç do profesion që të merr kohën e vet. Fillimet e mia në arbitrim kanë qenë të vështira. Falë suportit të kolegjiumit të Elbasanit dhe Tiranës bëmë këto arritje. Në këtë profesion janë të angazhuara 30 vajza, ndërsa me stemën e FIFA-s janë 2 kryesore dhe 4 asistente. Arbitrimi s’është profesion i lehtë, ka nevojë për suport por edhe mbështetje financiare, profesionale. I ftoj të gjitha vajzat të afrohen në arbitrim por edhe çdo sport. Sporti është shumë i bukur, jo vetëm që mban trupin në formë, por mund të bëhesh arbitre ndërkombëtare”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
