Gazetari Martin Kiri tha përmes një lidhje “Skype” me studion e MCN Live se komiteti i krijuar mes Shqipërisë dhe Britanisë së Madhe për ndalimin e emigrantëve ilegalë ka ndikuar pozitivisht, sidomos për riatdhesimin e shqiptarëve.
Më tej, Kiri tha se ky komitet ka pasur ndikim në refuktimin e uljes së numrit të shqiptarëve që futen në mënyrë ilegale, kryesisht përmes gomoneve në Britaninë e Madhe.
Ky Komitet ka ardhur si pasojë e një deklarate të përbashkët të Sunak dhe Ramës që kanë bërë në dhjetor të 2022 dhe që atëherë kanë nisur koordinimet për t’u munduar që të minimizojnë numrin e emigrantëve të paligjshëm që futen në Britani me gomone. Kjo ka dhënë ndikimin e vet në reduktimin e dukshëm të futjes së shqiptarëve në mënyrë ilegale në Britaninë e Madhe por gjithashtu dhe për rikthimin e shqiptarëve që mund të jenë kapur në forma të ndryshme si p.sh. nëse kanë qenë azilkërkues, azili i tyre është refuzuar.
Duhet thënë që çdo rënie drastike siç komentohet nga Britania e të futurve përmes gomoneve, në këtë rast i shqiptarëve nuk është thjesht falë një bashkëpunimi të Shqipërisë me Britanë, por edhe për shkak të një sërë masash që Britania ka marrë për të ndaluar futjen e emigrantëve ilegalë përmes gomoneve. Ky bashkëpunim ka ndikuar pozitivisht sidomos për riatdhesimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
