PS do të rrëzojë dekretin e presidentit për noterinë. Vendimi është marrë sot gjatë mbledhjes së grupit parlamentar socialist. Burime për Tema TV bëjnë të ditur se gjatë mbledhjes është vendosur edhe rishikimi i ligjit për kadastrën, i kthyer për shqyrtim nga Presidenti Meta.
Po kështu, gjatë mbledhjes, socialistët kanë vendosur të rrëzojnë amendamentet e LSI-së për buxhetin.
Muajin e kaluar, LSI propozoi që buxheti për arsimin të rritet në 5% të GDP.
Pak ditë më parë, kreu i shtetit ktheu në Kuvend për rishqyrtim ligjin për noterinë, specifikisht nenet 61, 65 dhe 76 të tij.
Sipas Presidencës, përmbajtja e nenit 61 të ligjit “Për noterinë”, nuk është i qartë dhe në harmoni me disa nene të tjera të këtij ligji. Gjithashtu sipas presidentit në ligj nuk garantohet trajtimi i barabartë i noterëve përballë kostos që duhet të përballojnë për sigurimin e veprimtarisë së tyre dhe nuk ofrohet siguri ligjore për mbrojtjen dhe mbështetjen e shtresave të pamunduara të shoqërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
