Dy të vdekur nga përmbytjet, Pacolli kërkon të ndihmohet financiarisht familja e të ndjerëve

Deputeti Behgjet Pacolli, bëri me dije se ka nisur një nismë për të ndihmuar financiarisht familjen Ademaj nga Peja, që i humbi dy familjarët pas përmbytjeve të ditës së djeshme. Në një shënim në rrjetet sociale Pacolli u ka bërë thirrje politikanëve, biznesmenëve “dhe të gjithëve me zemer dhe mundësi për të kontribuar”. “Sapo kam hapur një GoFundMe për të ndihmuar së bashku edhe financiarisht sadopak familjen Ademaj. U bëj thirrje politikanëve, biznesmenëve dhe të gjithëve me zemër dhe mundësi për të kontribuar. Çdo euro do të thotë shumë për familjen. Zoti ju shpërbleftë”, shkroi deputeti opozitar. Nëna dhe fëmija i saj humbën jetën pas përmbytjeve të së shtunës.