Rama: Vaksinimi fillon në orën 15:00, unë i pari që do ta bëj

Kryeministri Rama ka deklaruar se vaksinimi do të fillojë sot në orën 15:00 dhe se ai do të jetë i pari që do ta bëjë vaksinën.

Kjo sipas tij vetëm për ti treguar shqiptarëve se vaksina është e sigurt dhe se nuk ekziston asnjë cip për të cilin përflitet.

“Vaksinimin do ta bëjnë ata që janë në vijën e parë. Unë do ta bëjë për të dhënë mesazhin e qartë që vaksina është e sigurt dhe arma asgjesuese e këtij armiku, dhe për ti thënë të gjithëve që dokrrat me cipa, me transformim të gjeneve janë qesharake. Sic e kanë bërë kolegët e mi do ta bëjë edhe unë, ndërsa ministrat nuk kanë pse dalin para në radhë se atyre që u takon. As për mua nuk do të duhej, por meqë kemi një grup konspiracioni dhe një grup të afektuar nga llumi i grupëve sociale, do ta bëj sic e kanë bërë kolegët e mi. Nuk do të dëshiroja ti zija radhën askujt , por do ta bëj sot vetëm për këtë arsye. Vakina nuk është e detyrueshme, secili e zgjedh vet, por eshtë shumë e këshillueshme, pasi është arma që mbron nga armiku i padukshëm. Vaksinimi do të nisë në orën 15:00 dhe do të jemi të gjithë këtu.” Ka deklaruar kryeministri.