Prokuroria e Shkodrës ka urdhëruar arrestimin e shtetasit Sibuel Durrësi, i dyshuar për veprën penale “Vrasje me dashje”, e mbetur në tentativë.
Sipas hetimeve paraprake, ngjarja ka ndodhur më 07.06.2026, pas një konflikti dhe nën efektin e alkoolit, ku i dyshuari ka tentuar të përplasë me automjet disa persona, duke rrezikuar seriozisht jetën e tyre.
Fillimisht, ngjarja është raportuar si aksidentale nga shërbimet e policisë. Megjithatë, pas veprimeve të thelluara hetimore dhe publikimit në media të një videoje të ngjarjes, prokuroria ka ndryshuar vlerësimin e saj juridik dhe ka urdhëruar ndalimin e shtetasit, duke e cilësuar si të dyshuar për “Vrasje me dashje” në tentativë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
