Kina "do të bëjë gjithçka që mundet" për të parandaluar rizgjedhjen e Donald Trump. Vetë presidenti amerikan e tha këtë në një intervistë për Reuters, në një nga sulmet më të ashpra të nisura kundër Pekinit.
Trump foli gjerësisht për përgjigjen e Kinës ndaj koronavirusit dhe mosmarrëveshjeve bilaterale tregtare. Pekini "përdor vazhdimisht marrëdhëniet me publikun për t'u prezantuar si palë e pafajshme", tha zyrtari i Shtëpisë së Bardhë gjatë intervistës, bërë në Zyrën Oval.
Kina nuk ka asnjë interes të ndërhyjë në zgjedhjet presidenciale të SHBA, tha Zëdhënësi i Ministrisë së Jashtme, Geng Shuang kur komentoi deklaratat e presidentit amerikan. Zgjedhjet, shtoi Geng, janë "një çështje e brendshme e SHBA" dhe shpresa është se amerikanët "nuk do ta tërheqin Pekinin në grindje".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
