Një zjarr ka përfshirë katin e fundit të një pallati 10-katësh në lagjen "Skënderbeg" të qytetit të Lezhës, duke shkaktuar panik te banorët.
Flakët kanë përfshirë një apartament, ndërsa forcat zjarrfikëse dhe policia ndodhen në vendin e ngjarjes për të vënë situatën nën kontroll.
Sipas raportimeve të para, ende nuk ka të dhëna për persona të lënduar, ndërsa autoritetet po punojnë për të shuar zjarrin dhe për të përcaktuar shkaqet e tij.
Banorët e pallatit janë evakuuar si masë sigurie, ndërsa hetimet për ngjarjen janë në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
