Studentët e Fakultetit të Mjekësisë dolën sërish në protestë këtë të premte. Ata kundërshtojnë draftin për të lidhur kontratë pune me detyrim në Shqipëri pas përfundimit të studimeve. Studentët thanë se nuk pajtohen me draftin e propozuar, ndërsa paralajmëruan vijimin e protestave deri në një përgjigje nga institucionet. Ata thanë se kërkojnë tërheqjen e këtij vendimi dhe gjetjen e një zgjidhje. "Ne studentët e mjekësisë shprehim mospajtimin tonë për këto propozime. Përmes protestës shprehim mos pajtimin tonë. Jemi të hapur për gjetjen e një zgjidhje, por megjithatë zgjidhja është ndërtimi i një sistemi meritokracie. Të kërkojmë të na premtohet tërheqje nga ky vendim. Protestat do vazhdojnë derisa ky vendim të hidhet poshtë."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
