Serbia ka tërhequr tërë stafin diplomatik nga Shkupi, por duke mos dhënë detaje mbi këtë vendim.
Ministria e Jashtme e Maqedonisë informoi se ka marrë një notë diplomatike nga ambasada serbe në Shkup, përmes së cilës është informuar se personeli i ambasadës është thirrur për konsulta në Beograd.
Megjithatë në komunikatën e MPJ theksohet se nuk janë të njoftuar për arsyet e këtij vendimi dhe se për të informuar më tepër është vendosur komunikim me MPJ-në e Serbisë.
“Në përputhje me rregullativat relevante të Konventës së Vjenës për Marrëdhënie diplomatike, institucionet e Republikës së Maqedonisë kanë ndërmarrë masa për mbrojtjen e ambasadës në aspektin e sigurisë dhe integritetit”, thuhet në komunikatën e MPJ-së së Maqedonisë. (INA)
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
