Presidenti i SHBA Donald Trump ka ritheksuar sërish urdhrin ekzekutiv të dhënë në maj 2019, i cili ndalon kompanitë amerikane të përdorin pajisje telekomunikuese të prodhuara nga Huawei, ZTE dhe kompani të tjera kineze, për të shmangur rrezikun e spiunazhit në internet.
Vendimi për zgjatjen e ndalimit, thuhet në dokumentin e publikuar në faqen e Shtëpisë së Bardhë, dhe ky vendim buron nga fakti se përdorimi i produkteve kineze të IT vazhdon të përfaqësojë një kërcënim të jashtëzakonshëm për sigurinë kombëtare të Shteteve të Bashkuara, politikën e jashtme dhe ekonominë.
Dekreti i Trump daton në 15 maj 2019 dhe u pasua të nesërmen nga një masë qeveritare që vendosi Huawei në "listën e zezë" të tregtisë amerikane, duke parandaluar që gjigandi kinez të blejë produkte dhe shërbime nga kompani amerikane, përfshirë Programe Google për smartphone.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
