Një kuzhinier në Irak vdiq pasi ra aksidentalisht në një kazan me supë javën e kaluar.
Mediat e huaja bëjnë me dije se kuzhinieri i identifikuar si Issa Ismail ishte duke ndihmuar për përgatitjen e një banketi dasme më 15 qershor kur ndërsa po trazonte supën rrëshqiti dhe ra në kazan.
Menjëherë pas ngjarjes 25-vjeçari u dërgua në spital, por për fat të keq nuk mundi t’i mbijetonte plagëve të marra.
Mjekët kaluan disa ditë duke u përpjekur të shpëtonin jetën e burrit, por kuzhinieri vdiq më 21 qershor si rezultat i djegies së shkallës së tretë në rreth 70 përqind të trupit të tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
