Gazetari Mariglen Kume në një raportim nga selia blu për Mcn Live, bën me dije se prej më shumë se një ore kreu i PD-së së Rithemelimit Sali Berisha po bisedon me deputetët mbi hapat që do të ndiqen në vijim pas heqjes së imunitetit nga Kuvendi.
Kume tha se Berisha ka anuluar konferencën e paralajmëruar më herët, por nuk përjashtohet mbajtja e saj gjatë pasdites, në varësi të zhvillimeve.
Prej më shumë se një ore Berisha është duke biseduar me deputetët e tjerë të grupimit që e mbështesin, për të diskutuar mbi vijimin. Ajo që çfarë kam mundur të mësoj nga të paktën 4 persona që janë pranë z.Berisha, më është thënë se deri tani s’ka një vendim, nëse Berisha do të qëndrojë në selinë e PD, për ta kryer këtu masën e arrestit. Është anuluar konferenca që u lajmërua më herët nga z.Berisha. Mund të ketë një tjetër gjatë ditës së sotme, nga pasditja. Kuvendi ka zbardhur vendimin e deputetëve dhe para 4 minutash i ka dërguar SPAK-ut vendimin që e autorizon për një masë më të rëndë ndaj z.Berisha. Tani mbetet të presim vendimin e Gjykatës së Posaçme. Në selinë e PD momentalisht janë vetëm deputetët që janë mbështetës të z.Berisha që prej fillimit, as grupi Bardhi dhe të tjerët s’janë bashkuar. Ishin e njëjta pjesëmarrje që ishte në Kryesinë e Kuvendit. Sa i përket pjesëmarrjes në protestë, kjo lidhet sipas deputetëve me faktin që ishin vetëm një pjesë e mbështetësve, dhe faktin që është ditë pune”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
