Mali Marapi në ishullin Sumatra, një nga 130 vullkanet aktive në Indonezi, ka shpërthyer, duke shkaktuar një kolonë tymi dhe hiri 3 kilometra të lartë mbi majën e tij prej 2891 metrash.
Lajmi raportohet nga Instituti Indonezian i Vullkanologjisë dhe Rrezikut Gjeologjik, i cili nuk flet për viktima apo dëme të veçanta.
Gjithsesi ndalohet afrimi me vullkanin dhe paralajmërimi i shpërthimit i lëshuar nga instituti është niveli 3.
Personat që punojnë pranë malit Marapi, vullkani më aktiv në Sumatra, ju kërkohet që të mbajnë syze, maskë dhe kapele.
Hiri i përzier me shi ra në qytetin e Bukittinggi, i treti më i madh në Sumatra me rreth 100 mijë banorë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
