Aksident i pesëfishtë në autostradën Durrës-Tiranë, një i vdekur dhe shtatë të plagosur

Një aksident i pesëfishtë me pasojë një të vdekur dhe shtatë të plagosur është shënuar në autostradën Durrës-Tiranë.

Ngjarja e rëndë është shënuar rreth orës 05:20, ku në aksident janë përfshirë pesë automjete.

Mësohet se 45-vjeçari Hysen Balla, 45 vjeç, është përplasur me një kamion dhe, si pasojë e përplasjes, ka humbur jetën në vendngjarje.

Më pas, në aksident janë përfshirë edhe tre mjete të tjera, me drejtues shtetasit G. L., 59 vjeç dhe J. I., 34 vjeç, si dhe 5 pasagjerë, të cilët ndodhen jashtë rrezikut për jetën.

Ndërsa shtetasja A. V., e cila dyshohet se ka qenë drejtuese e njërit prej automjeteve të përfshira në aksident, është larguar nga vendngjarja dhe është shoqëruar për të sqaruar rrethanat e ngjarjes.

Grupi hetimor po kryen veprimet e nevojshme hetimore për dokumentimin e plotë të ngjarjes, si dhe për sqarimin e rrethanave dhe shkaqeve të aksidentit.