Joe Biden dhe familjes së tij iu dhanë mijëra dollarë dhurata nga liderë të huaj në vitin 2023, sipas një kontabiliteti vjetor të publikuar nga Departamenti i Shtetit të enjten, ku zonja e parë, Jill Biden, ka marrë dhuratën më të shtrenjtë, 20.000 dollarë, diamant nga lideri i Indisë.
Diamanti 7.5 karatësh nga kryeministri indian, Narendra Modi, ishte dhurata më e kushtueshme që iu bë çdo anëtari të familjes së parë në 2023, megjithëse ajo mori edhe një karficë me vlerë 14.063 dollarë nga ambasadori ukrainas në SHBA dhe një byzylyk, karficë zbukurimi dhe album fotografik me vlerë 4510 dollarë nga presidenti dhe zonja e parë e Egjiptit.
Vetë presidenti amerikan mori një sërë dhuratash me vlerë, përfshirë një album fotografik përkujtimor me vlerë 7100 dollarë nga presidenti i Koresë së Jugut, Yoon Suk Yeol, një statujë prej 3495 dollarësh të luftëtarëve mongolë nga kryeministri mongol, një tas argjendi 3300 dollarë nga sulltani i Brunei, një tabaka argjendi prej 3160 dollarësh nga presidenti i Izraelit dhe një kolazh me vlerë 2400 dollarë nga presidenti ukrainas, Volodymyr Zelenskyy.
Ligji federal kërkon që zyrtarët e degës ekzekutive të deklarojnë dhuratat që marrin nga udhëheqës dhe homologë të huaj që kanë një vlerë të përllogaritur prej më shumë se 480 dollarë.
Shumë nga dhuratat që plotësojnë atë prag janë relativisht modeste, dhe ato më të shtrenjta zakonisht por jo gjithmonë, transferohen në Arkivin Kombëtar ose vendosen në ekspozita zyrtare.
Sipas zyrës së protokollit të departamentit të shtetit, e cila përpilon listën që do të publikohet në edicionin e së premtes të Regjistrit Federal, disa punonjës të CIA-s raportuan se kishin marrë dhurata luksoze me orë, parfume dhe bizhuteri, pothuajse të gjitha u shkatërruan.
Nga dhuratat e shkatërruara, ato kishin vlerë më shumë se 132.000 dollarë së bashku.
Drejtori i CIA-s, William Burns, mori një astrograf prej 18.000 dollarësh, i cili është një teleskop dhe kamera astrologjike, nga një burim i huaj, identiteti i të cilit është i klasifikuar.
Burns raportoi se kishte marrë dhe shkatërruar një orë Omega prej 11.000 dollarësh, ndërsa shumë të tjerë bënë të njëjtën gjë me orët luksoze.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
