Liderit të AAK-së, Ramush Haradinaj, i është vazhduar masa e “arrestit” nga Gjykata franceze edhe për një muaj.
Haradinaj ka thënë se është peng politik tashmë dhe e ka quajtur turp vendimin e gjykatës. “Gjykata ka kërkuar informata shtesë nga autoritetet serbe. Ky është një turp i drejtësisë. Unë tashmë jam peng politik”, ka thënë Haradinaj. Seanca tjetër do të jetë me 6 prill.
Ish-kryeministri i Kosovës, aktualisht lideri i Aleancës për Ardhmërinë e Kosovës, ishte ndaluar nga policia franceze më 4 janar, në bazë të një urdhër- arresti ndërkombëtar të lëshuar nga Serbia përmes Interpolit.
Ai akuzohej nga drejtësia e Serbisë për krime lufte. Nisur nga këto akuza, Prokuroria Speciale e Serbisë, pati paraqitur dhe kërkesën për ekstradimin e Haradinajt në Serbi.
Por, gjykata franceze, në seancën e mbajtur më 9 shkurt, nuk vendosi përfundimisht për këtë rast, duke e lënë Haradinajn nën masën e lirimit me kusht dhe duke e shtyrë vendimin për datën 2 mars.
Para kësaj seance gjyqësore, autoritetet serbe, kishin deponuar materiale shtesë, çka besohet se kishte ndikuar që gjykata në Colmar, të zvarriste marrjen e vendimit përfundimtar. / Zëri /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
