Vijon të jetë aktiv zjarri në gadishullin e Karaburunit.
Edhe pse punonjësit e zonave të mbrojtura kanë qenë gjatë gjithë natës në terren për fikjen e zjarrit dhe normalizimin e situatës, gjendja vijon të jetë problematike pasi në zonën mbi kishën e Marmiroit në Orikum zjarri është aktivizuar serish.
Kërkohet ndërhyrja me forca më të shumta pasi është e pamundur të fiket me mjete rrethanore ky zjarr.
Sipas prefekturës së Vlorës sot priten të vijnë në ndihmë disa ushtarë. Ndërkohë terreni i vështirë për të shkuar në mal e bënë edhe më te vështirë fikjen e zjarrit.
Ndërkohë që punonjësit e ADZM kanë ngelur pa ujë të pijshëm dhe janë të detyruar të zbresin nga mali, dhe për të zbritur duhen të paktën dy orë.
Prej disa ditësh, temperaturat e larta kanë bërë që në të gjithë vendin të përhapen vatra zjarri, ndërkohë që në disa zona terreni ka vështirësuar edhe ndërhyrjen e forcave zjarrfikëse.
Rreziku pritet të jetë prezent edhe në ditët e ardhshme pasi sinoptikanët kanë paralajmëruar rritje të temperaturave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
