Analisti Andi Bushati ka komentuar me tone të forta vrasjen e gjyqtarit Astrit Kalaja, duke e lidhur ngjarjen tragjike me dështimet e thella të reformës në drejtësi.
I ftuar në emisionin “Të Paekspozuarit” në MCN TV, Bushati tha se glorifikimi i vrasësit në rrjetet sociale është pasojë direkte e mungesës së besimit të qytetarëve te drejtësia dhe se, sipas tij, vrasësit e vërtetë të gjyqtarit janë Donald Lu dhe Romana Vlahutin, pra "arkitektët" e reformës në drejtësi.
Vrasësi nuk është ai që është në burg.
Vrasësit e vërtetë janë në drejtim të paditur dhe kanë emër: Romana Vlahutin dhe Donald Lu. Këta janë arkitektët e reformës në drejtësi.
Psikoza kolektive e shqiptarëve është ndjesia e padrejtësisë, e rrënjosur aq thellë, saqë shumëkush nuk beson më se mund të marrë drejtësi në gjykatë.
Po të bëhej një sondazh, pyet qytetarin: merr dot drejtësi në gjykatë? Edhe ata që fitojnë, janë të bindur se pala tjetër ka qenë më e korruptuar, jo se drejtësia ka funksionuar. Dhe kjo është tragjedia.”
Glorifikimi i autorit të vrasjes së gjyqtarit Kalaja nuk ka të bëjë me mbështetje për dhunën, por është një shenjë se njerëzit e zakonshëm ndihen të pashpresë ndaj sistemit gjyqësor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
