Anëtari i Këshillit Kombëtar të PD Aleksandër Biberaj deklaroi se sot PD është në pikën më të ulët të ekzistencës, madje edhe në raport me 97-ën. Biberaj u shpreh në edicionin e lajmeve në MCN TV se Basha erdhi pa merita në PD dhe tanimë po ikën pa lavdi.
Zgjidhja në PD do ishte bashkimi, unifikimi dhe zgjedhja e kryetarit të ri përmes një fushate disa mujore. Të jetë një garë e lirë, garë e ndershme. Në vitet e para të PD ka pasur garë, ka pasur konkurrencë. PD është në pikën më të ulët të ekzistencës 31-vjeçare, edhe në 97-ën kemi qenë më mirë se sot. Z. Basha është bërë tragji-komik me ato që deklaron. Duhet të kishte marrë me kohë përgjegjësitë. Besoj se e ka mbyllur ciklin në PD, erdhi pa merita dhe po ikën pa lavdi. PD ka personalitete, intelektualë, ka kapacitete, të fjetura gjatë 31 viteve, të larguara për arsye të ndryshme”.
I pyetur nëse kryetari i ri i PD-së duhet të jetë i pranuar nga amerikanët, Biberaj tha:
S’kam qenë fetishist në raport me ndërkombëtarët. SHBA-të janë aleat strategjik, kanë bërë shumë për ne, por besoj që janë zhvillime që kanë të bëjnë me demokratët shqiptar. Ata kthehen në vendet e tyre, kostot i paguajmë ne.
Biberaj theksoi rëndësinë e garës brenda kampit demokrat, duke shtuar se nuk është problem edhe nëse kandidojnë Berisha dhe Basha.
Kam qenë dhe mbetem ithtar i garës. Është e drejtë e Berishës të kandidojë. Po të dojë të kandidojë edhe z.Basha. Por jo me kandidatë të prodhuar shpejt e shpejt, kandidat fals, apo kukulla. Të ketë garë reale. Edhe faktori ndërkombëtar sot e ka të qartë se kush është mazhoranca reale në opozitë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
