OFL zbret në Shkodër, i dërgon formularin dy të dënuarve për drogë

OFL ka vijuar punën për masat pasurore ndaj individëve të dënuar apo akuzuar për krime të organizuara apo krime të rënda.

Operacioni Forca e Ligjit i ka dërguar formularin për vetëdeklarimin e burimeve të pasurisë këtyre shtetasve.

B. D., banues në Shkodër, i dënuar për veprën penale “Prodhimi dhe shitja e  narkotikëve”;

T. Sh.(A.), banues në Shkodër, i dënuar për veprën penale “Prodhimi dhe shitja e  narkotikëve”.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.