Greqia po i përgjigjet breshërisë së deklaratave të Presidentit turk Rexhep Tajip Erdogan, duke dërguar letra për të gjithë anëtarët e Këshillit të Sigurimit të OKB-së, Sekretarit të Përgjithshëm Antonio Guterres dhe Sekretarit të Përgjithshëm të NATO-s Jens Stoltenberg. Burimet bëjnë me dije se letrat citojnë deklaratat origjinale të zyrtarëve turq pa komente.
Ndërkohë, ministri i Jashtëm Nikos Dendias ka falënderuar homologun e tij çek Jan Lipavsky për reagimin e presidencës çeke të Bashkimit Evropian ndaj qëndrimeve të fundit të Erdoganit kundër Greqisë.
“Kërcënimi i papranueshëm i vendeve anëtare të BE-së, si ai që iu drejtua Greqisë në fjalimin publik të fundit të Presidentit Erdogan, është jashtëzakonisht i padobishëm në këtë drejtim”, shkroi Ministria e Jashtme Çeke të shtunën në Twitter. Erdogani ka kërcënuar se do të ketë çmime të rënda për Greqinë. Athina zyrtare i cilësoi këto si deklarata provokuese dhe përtej kufijve duke theksuar se do të njoftojnë partnerët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
