Në vijim të zbatimit të planit të masave për "Kontrollin e territorit", Policia e Shkodrës, ka kryer kontrolle të befasishme në qytetin e verior.
Një 35-vjeçar nga Shkodra është arrestuar nga policia gjatë një kontrolli të befasishëm, ndërsa gjatë kontrolleve në lokalet e natës nga FNSH dhe policia lokale u shoqëruan për verifikim edhe 10 persona.
"Në vijim të punës për kapjen e personave në kërkim, të atyre që qarkullojnë me armë zjarri, nga strukturat e Forcës së Posaçme “Shqiponja” në D. V. P. Shkodër në bashkëpunim me shërbimet e Komisariatit të Policisë Shkodër të mbështetur dhe nga FNSH Shkodër, u arrestua në flagrancë shtetasi Fatjon Boshnjaku 35 vjeç, banues në lagjen “Qemal Stafa” Shkodër. Arrestimi i tij u bë pasi nga shërbimet e policisë gjatë kontrollit të ushtruar në mjetin e këtij shtetasi, në një çantë dore iu gjet dhe u sekuestrua në cilësinë e provës materiale një armë zjarri tip Glock, me krehër dhe fishekë", thuhet në njoftimin e policisë.
Materialet iu referuan Prokurorisë së Rrethit Gjyqësor Shkodër për veprën penale “Mbajtja pa leje dhe prodhimi i armëve, armëve shpërthyese dhe i municionit” parashikuar nga neni 278 i Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
