Pas bllokimit 48 orësh, sot hapen të gjitha pikat doganore që lidhin Shqipërinë me Greqinë.
Sipas autoriteteve tona bëhet e ditur se Kapshtica i është rikthyer normalitetit për të siguruar qarkullimin e të gjitha automjeteve, autobusëve apo kamionëve.
Mëngjesi ka pasur fluks lëvizjesh kryesisht të kamionëve të transportit të mallrave.
Kujtojmë që një ditë më parë dhjetëra kamionë janë parkuar pranë kësaj pike për të kaluar prej orëve të para të mëngjesit drejt shtetit grek.
Sipas policisë gjatë 24 orëve të fundit janë regjistruar 348 në hyrje dhe 248 në dalje.
Për shkak të grevës së doganierëve grekë, në 4 pikat kufitare që lidhin vendin tonë me Greqinë u ‘paralizua’ qarkullimi i mjeteve, përveç emergjencave shëndetësore dhe këmbësorëve pa bagazhe.
Doganierët protestuan për kushte më të mira pune, paga më të larta e shtim personeli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
