Një ngjarje e rëndë ka ndodhur në lagjen “1 maji” në qytetin e Vlorës, ku trupi i pajetë i Llazar Prengës është mbajtur për ditë me radhë pas vdekjes nga e shoqja në banesë.
Valentina Prenga ka mbajtur trupin e burrit në shtëpi dhe nuk ka njoftuar askënd që ai ka ndërruar jetë dhe ende nuk dihet arsyeja e vdekjes.
Ajo që është më e rëndë është fakti se policia e shtetit ka shkuar sot në banesë dhe gruaja nuk hapte derën. Kjo e fundit ka shqyer derën kryesore, ka hyrë brenda dhe ka gjetur trupin e pajetë të Llazar Prengës 74 vjeç.
Dyshohet se Llazar Prenga ka vuajtur prej vitesh nga një sëmundje e rëndë, ndërsa edhe gruaja ka patur probleme të shëndetit mendor.
Grupi hetimor vijon punën për zbardhjen e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
