Pak orë para nisjes së protestës së PD-së, kryeministri Rama poston në rrjetet sociale foton e një punonjëseje të policisë. Rama e quan atë një prej engjëjve mbrojtës.
MIRËMËNGJES dhe ju uroj një ditë të mbarë me këtë imazh të një prej "engjëjve mbrojtës" të rregullit në rrugët e vendit.
Ermela Lika, pasi ka kryer me rezultate të shkëlqyera Akademinë e rilindur të Sigurisë është bërë pjesë e #PolicisëQëDuam bashkë me 888 gratë dhe vajzat me gradë, të cilat i janë bashkuar forcave të rendit tre vitet e fundit.
Mirënjohje dhe respekt për çdo punonjës të Policisë së Shtetit, që me përkushtimin dhe profesionalizimin e saj apo të tij, ka bërë të mundur kthimin e besimit të qytetarëve tek uniformat blu.
Shumë është bërë. Ende më shumë mbetet për t'u bërë. Por edhe shumë ka për të humbur nëse ndalemi sot. Prandaj përpara për Shqipërinë që duam e shtet punë e mirëqenie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
